Devapriyaji - True History Analaysed

Members Login

Post Info

TOPIC: கல்வெட்டுகளில் குற்றமும் தண்டனையும்

admin

Guru

Status: Offline

Posts: 7468

Date: Jul 2, 2019

கல்வெட்டுகளில் குற்றமும் தண்டனையும்	Permalink

கல்வெட்டுகளில் குற்றமும் தண்டனையும் முன்னுரை தமிழகத் தொல்லியல் துறையின் வெளியீடான ”சோழர் சமுதாயம்’ என்னும்நூலைப் படித்துக்கொண்டிருந்தேன். நூலில் திரு. இல. தியாகராசன் அவர்கள்எழுதிய கட்டுரை ஒன்று. ”சோழர் காலக் குற்றங்களும் விசாரணைகளும்” என்னும்தலைப்புக்கொண்டது. மன்னர்களின் காலத்தில் எவ்வகைக் குற்றங்கள் நிகழ்ந்தனஎன்பதையும், குற்றவாளிகள் எவ்வகையில் தண்டிக்கப்பெற்றார்கள் என்பதையும்தெரிந்துகொள்ள அக்கட்டுரை ஓரளவு துணை செய்தது. மேலும் சிலசெய்திகளைத் தேடும் முயற்சியை உள்ளம் நாடியது. அவ்வாறு கிடைத்தசெய்திகளையும் சேர்த்த பதிவை இங்கே பகிர்ந்துகொள்கிறேன். தொடக்கமாக, மேற்குறித்த நூலில் காணப்பட்ட சில செய்திகள். அரசுக்கு வரிசெலுத்தாமல் ஏய்த்தல் இன்று பரவலாக நாம் காணும் குற்றம். அரசர்காலத்திலும் இக்குற்றம் இருந்துள்ளது. பொதுச் சொத்துகளை முறைகேடாகத்தனியார் பயன்கொள்ளுதல். அரசின் உள்ளாட்சி நிருவாகத்தில் முறையானகணக்குக் காட்டாதிருத்தல். கோயில்களில் ஏற்படுத்தப்பட்ட நிவந்தங்களைச்சரிவரச் செய்யாதிருத்தல். கோயில் செல்வங்களைத் திருடுதல். சோழஅரசர்களின் சிறந்த நிருவாகத்தையும் கடந்து இவை போன்றமுறைகேடுகளும் ஊழல்களும் நடந்துள்ளன என்பதைக் கல்வெட்டுகள்வாயிலாக அறிய முடிகிறது. கல்வெட்டுச் சான்றுகளின் அடிப்படையில், மேற்சொன்ன குற்றங்களைமிகுதியும் செய்தவர்கள் பிராமணர்களும் தேவகன்மிகளும் எனக் காண்கிறோம்.தேவகன்மிகள் என்போர் கோயில்களில் பணிபுரிவோர். பிராமணர்கள்,தேவதான ஊர்களையும், பிரமதேயச் சதுர்வேதிமங்கலங்களையும் நிருவாகம்செய்தவர்கள். அரசன் ஓர் ஊரையே கோயிலுக்குக் கொடையாக அறிவித்தல்வழக்கம். அவ்வூரின் வருவாய் கோயிலுக்கே சேரும் என்பது அக்கொடையின்நோக்கம். அவ்வகை ஊர்களின் நிருவாகப் பொறுப்பும், ஊரின் வருவாய்முறையாகக் கோயிலுக்குச் சென்றடைவதைக் கண்காணிக்கும் பொறுப்பும்ஊர்ச்சபையைச் சார்ந்தது. அவ்வகை ஊர்ச் சபையில் பிராமணரே மிகுதியும்இருந்தனர் எனலாம். அடுத்து, வேதம் வல்ல பிராமணர்க்கு ஓர் ஊர் அல்லதுஊரின் ஒரு பகுதியை அரசன் உரிமையாக்குவான். அவ்வகை ஊர்கள்சதுர்வேதி மங்கலங்கள் எனப் பெயர் பெறும். இவ்வூர்களின் நிருவாகப்பொறுப்புசபை, பெருங்குறி என்னும் அமைப்பைச் சாரும். இவ்வகைச் சபையில்இருப்போர் பிராமணரே. இவ்விருவகை ஊர்களும் தன்னாட்சி பெற்றவை.மிகுந்த அதிகாரம் உடையவை. __________________

Page 1 of 1 sorted by

Create your own FREE Forum
Report Abuse