Devapriyaji - True History Analaysed

admin · Guru

வைஷ்ணவ பரிபாஷை

admin · Guru

2.பரமபதம்

12. பரமபதம்

பரபக்தி        surrender of the lord
பரஞானம்    actual vision of the lord
பரகதி           To reach the lord
இந்த மூன்றையும் பகவான் ஒரே ஸ்லோகத்தில் சொல்கிறார்.

பக்த்யா த்வநந்யயா ஷக்ய
அஹமேவம்விதோ அர்ஜுன।
ஜ்ஞாதும் த்ரஷ்டும் ச தத்வேந
ப்ரவேஷ்டும் ச பரம்தப॥ 11.54 ॥

எதிரிகளை வாட்டுபவனே! அர்ஜுனா !
ஒருமுகப்பட்ட பக்தியாலேயே(prapatti)
இவ்வாறு என்னை உள்ளபடி அறியவும்
காணவும்(paraGnanam)
அடையவும்(paraGathi) முடியும்.

பரகதி

முக்தி எனும் பிரம்மத்தை அடைவதே பரகதியாகும். எல்லா பாவங்களையும் விட்டுவிட்டு ஆத்ம தியானம் செய்கின்றவன் வினைகளை நீக்கும் பிரம்மத்தை அடைவான். மனம், வாக்கு, உடல் மூன்றினாலும் எப்பிராணிக்கும் எந்த தீங்கும் செய்யாதவன் அப்போதே பிரம்மத்தை அடைகிறான். அகங்காரமும் கடுமையும் பகையும் அற்றவன் தூக்கமும் அச்சமும் தொல்லையும் இல்லாத மேலான நிலையை பெறுகிறான். மான அவமானத்திலும் பகைவரிடமும் நண்பனிடமும் வேறுபாடு பாராட்டாமல் மௌனமாக இருப்பவன் முக்தியை அடைகிறான். இம்மாதிரி நடவடிக்கைகளுடன் பரமாத்மாவை தியானம் செய்துகொண்டு இருக்கும் ஆத்ம ஞானி அவனுடைய ஞானத்தினாலேயே பரகதி பரமாத்மாவால் அருளப்படுகிறது.

இறுதியில் உயிர்கள் அடையும் இலக்கு என்பது நித்திய கைங்கர்யம் செய்யும் இடமான ஸ்ரீவைகுண்டமாகும்.

மோட்சம் என்பது இறைநிலை அடைதல்

யாரிடமிருந்து உயிர்கள் தோன்றியதோ, யாரால் இந்த பிரபஞ்சம் எல்லாம் வியாப்பிக்க பட்டிருக்கிறதோ அவரை தனது கடமையால் அர்ச்சித்த மனிதன் இறைநிலையை அடைகிறான்.18-46 இவ்வாறு தன்னிலைபெற்ற அந்த யோகி மட்டுமே தானே பிரம்மமாகி பேரானந்தத்தை அடைகிறான்.5-24
ஏனெனில் பிரம்மத்திற்கும், அழிவற்ற மோட்ச நிலைக்கும், நிலையான தர்மத்திற்கும், ஒப்பற்ற சுகத்திற்கும் இருப்பிடம் நானே என்கிறார் புருஷோத்தமர்.14-27 தோன்றாதவர், அழிவற்றவர், என்று சொல்லபடுகின்ற அவரை அடைவதை மேலான நிலை என்று சொல்கின்றனர். எதை அடைந்து திரும்பி வருவதில்லையோ அது எனது மேலான இருப்பிடமாகிய பரமபதம் 8-21 என்கிறார். சொர்க்கத்திற்கு சென்றவர்கள் மீண்டும் பிறக்கிறார்கள் பரமபதத்திற்கு சென்றவர்கள் பிறவியிலிருந்து விடுபட்டு இறை நிலையை அடைகிறார்கள்.

சொர்க்கம்

வேதங்களை அறிந்தவர்களும், சோமபானம் அருந்தியவர்களும், பாவம் நீங்க பெற்றவர்களும், யாகங்களால் என்னை வழிபாட்டு சொர்கத்தை பிராத்திக்கிறார்கள். அவர்கள் நற்செயல்களின் விளைவாக இந்திர லோகத்தை அடைந்து சொர்கத்தில் மேலான தேவ போகங்களை அனுபவிக்கிறார்கள்.9-20 அவர்கள் பரந்த அந்த சொர்க்கத்தை அனுபவித்து, புண்ணிய பலன் தீர்ந்ததும் பூமியை அடைகிறார்கள். வேதங்கள் கூறுகின்ற கர்மங்களை பின்பற்றுபவர்கள் உலகியல் நாட்டம் உடையவர்களாக இவ்வாறு வரவும் போகவும் செய்கிறார்கள்.9-21

காற்று எவ்வாறு இந்த உலகம் முழுவதும் பரவியிருக்கிறதோ அவ்வாறே பகவான் எங்கும் நிறைந்து இருக்கிறார். இது புலன்களுக்கு தென்படாது. அனைத்து உயிர்களும் இறைவனிடத்திலேயே இருக்கின்றன. அசையும் பொருள் அசையா பொருள் அனைத்தும் இறைவனாலேயே தோற்றுவிக்கபடுகிறது. அனைத்து செயல்களையும் இயற்கை செய்கிறது. சொர்க்க வாழ்க்கை வாழ வேண்டும் என்று வேதங்களில் கூறப்பட்ட செயல்களை செய்தும் வழிபாடு செய்தும் கொண்டு இருப்பவர்களை இறைவனே சொர்க்கத்திற்கு எடுத்து செல்கிறார். அவர்களுடைய புண்ணியங்கள் தீர்ந்த பிறகு மீண்டும் அவர்கள் இந்த பூமியில் உயிரினமாக பிறப்பார்கள்.

தியான நிலையை அடைந்து விட்டால் எல்லா உயிர்களிலும் ஆன்ம வடிவில் இருப்பது பகவான் என்பது புரிந்துவிடும். எல்லா உயிர்களிடமும் அன்பாக நடந்து கொள்வான். அனைத்துமே இறைவனின் வடிவம் என்பது புரிந்துவிடும். மேலும் இந்த பிறவியில் ஒருவன் நல்ல காரியங்கள் பல செய்து தியானம் செய்து இறைநிலையை அடைய முயற்சி செய்து கொண்டு இருக்கும் போது இறந்துவிட்டால் அவன் மீண்டும் நல்லோர்கள் மத்தியில் பிறந்து முற்பிறவியில் பாதியில் விட்ட முயற்சியை மீண்டும் தொடர்ந்து செய்து அவன் இறைவனை அடைவான். ஒரு பிறவியிலிருந்து மருபிறவிக்கு செல்லும் போது முந்தய பிறவியின் குணமும் சேர்ந்தே வரும். பூவில் உள்ள மனம் காற்றோடு சேர்ந்து செல்வது போல் மனிதன் இறக்கும் போது அவனுடைய குணமும் ஆன்மாவோடு செல்லும். மறுபிறவியை அதனுடன் தொடருவான்.

இறைவனை அடைந்தால் மட்டுமே பிறவியில் இருந்து விடுபட முடியும். பக்தியுடனும் தூய மனத்துடனும் பக்தன் அளிக்கும் எந்த சிறிய பொருளையும் இறைவன் அன்பாக ஏற்றுகொள்வார். இப்படிபட்ட இறைவன் அனைத்து உயிரையும் சமமாக காண்கிறார். அதேபோல் எந்த மனிதன் அனைத்து உயிரினங்களையும் சமமாக காண்கின்றானோ அவன் இறைவனுக்கு மிகவும் பிரியமானவன். எல்லா வேலைகளையும் செய்யலாம் ஆனால் அதனால் விளையும் பலனில் விருப்பு வெறுப்பு கொள்ளாமல் இறைவனுக்கு அர்பணித்து விட்டு இருந்தால் எந்த பாவத்திற்கும் ஆளாகாமல் இந்த பிறவியிலேயே முக்தி அடையலாம். அதாவது மீண்டும் பிறவா நிலையை அடையலாம்.

அர்ச்சிராதி கதி

பக்தியினால் சரணமடைந்த ஜீவன் அந்திம காலத்தில் பிரம்மன் ஞானியின் ஆத்மா பஞ்ச பூத உடலை விட்டுவிட்டு நுட்ப உடலுடன் சூட்சும நாடி வழியாக பிருமாந்திரத்தை பேதித்துக்கொண்டு
ஓர்சூட்சம சரீரத்தை எடுத்துக் கொண்டு சூரியனின் கதிர்களை பற்றிக் கொண்டு இரவுபகல் மாதம் வருடம் எனும் மனித எல்லைகளை கடந்து மேலே சென்று அர்ச்சிராதி மார்க்கத்தில் அதாவது அர்ச்சி எனப்படும் அக்னிலோகம் வாயு லோகம் ஆதித்ய லோகம் இந்திரலோகம் நான்முகனின் பிரஜாபதி லோகம் ஆகியவற்றைக் கடந்து தேவதைகளின் உலகங்களை அடைந்து அங்கெல்லாம் வரவேற்கப்பட்டு நன்கு உபசரிக்க பட்டு அந்தந்த தேவதைகளால் வழிநடத்தப்பட்டு அவைகளைக் கடந்து ஸ்ரீவைகுண்டத்தில் எல்லையில் ஓடும் விரஜா நதியை அடைகிறான். அந்த நதியில் இறங்கி மங்கல ஸ்நானம் செய்த ஜீவனுக்கு பிறகு திரும்பும் தொடர்பு அற்ற தெய்வீக உடல் கிடைக்கிறது.
அந்த திவ்ய சரீரத்துடன் ஐரமதீயம் என்னும் ஏரியை அடைகிறான்.பின் சோமஸவனம் என்னும் மரத்தை அடைகிறான் அங்கே வைகுண்ட வாசிகளான 500 அப்ஸரஸ் திரிகள்
மாலைகள் வஸ்திரங்கள் வாசனை திரவியங்கள் என திவ்ய அலங்காரம் செய்து வைகுண்டத்திற்கு அழைத்துச் செல்கின்றனர்

விரஜாநதியில் நீராடியதால் கர்மாக்களின் காரணமாக ஏற்பட்டிருந்த உலக சம்பந்தம் எல்லாம் கழிய பெற்று அழுக்கு நீங்கிய வைரம் போல தூய்மை பெற்று அந்த பேரொளியுடன் புதிய வஸ்த்திரம் அணிந்து பரமபத வாசல் வழியாக பகவானின் இருப்பிடமாகிய வைகுந்தத்தில் நித்ய கைங்கரியம் செய்து இறைநிலை அடையும்பேறு பெறுகிறான். இங்கே இறைவன் உயர்ந்தவன். அவனுக்கு தாழ்ந்த நிலையில் உள்ள முக்தி அடைந்த ஆன்மாக்கள் தெய்வீக உடலைப்பெற்று பிறவியிலிருந்து விடுதலை அடையும்.

விஸ்ணு புராணம், பிரபஞ்சத்தின் மேற்பகுதி சூரியனை விட 260,000,000 யோஜனைகள் (2,080,000,000 மைல்) தொலைவில் இருப்பதாக விவரிக்கிறது. சூரியன் முதல் பூமி வரை பூமியானது 100,000 யோஜனைகள், மற்றும் 70,000 யோஜனைகள் பூமியைக் காட்டிலும் அத்தா, வித்தலா, சுத்தலா, தாலத்தலா, மஹாலாலா, ரசாத்தலா மற்றும் பாத்தாலா என ஏழு தாழ்ந்த கிரக அமைப்புகள் உள்ளன. 30,000 யோஜன்கள் இந்த குறைந்த கிரகங்களுக்கு கீழே இருக்கும், சஷா நாகா Garbhodaka Ocean மீது உள்ளது. அந்த கடல் 249,800,000 யோஜனைகள் ஆழமாக உள்ளது. இதனால் பிரபஞ்சத்தின் மொத்த விட்டம் சுமார் 500,000,000 யோஜனாக்கள் அல்லது 4,000,000,000 மைல்கள் ஆகும்.

Devapriyaji - True History Analaysed

ஸ்ரீ வைஷ்ணவ பரிபாஷைகளில் சில –/ திவ்ய தேசங்கள்–

2.பரமபதம்